माई मार्टले सेवा विस्तार गर्दै उपभोक्तासम्म सिधै अनलाइन किनमेल सेवा सुरु गरेको छ।

नयाँ मोबाइल एप माई मार्ट – डेलिभर्ड इन मिनेट्समार्फत उपभोक्ताले आज अर्डर गरेका दैनिक उपभोग्य सामग्री आजै प्राप्त गर्न सक्नेछन्।

डिजिटल प्रविधि र उपभोक्ताको बदलिँदो किनमेल व्यवहारलाई मध्यनजर गर्दै माई मार्टले द्रुत डेलिभरीसहितको डाइरेक्ट टु कन्ज्युमर मोडेल सञ्चालनमा ल्याएको जनाएको छ। 

यसअघि व्यवसायदेखि व्यवसाय मोडेलमार्फत सेवा दिँदै आएको माई मार्टले अब उपभोक्तामैत्री सेवा पनि थप गरेको हो।

कम्पनीका अनुसार बजारको माग, आन्तरिक तयारी र आपूर्ति प्रणालीको सफल परीक्षणपछि मात्र यो सेवा सुरु गरिएको छ। 

मोबाइल एप, अर्डर म्यानेजमेन्ट, स्टक कन्ट्रोल र डेलिभरी सिस्टम पूर्ण रूपमा तयार भइसकेका छन्।

हाल यो सेवा काठमाडौं उपत्यकाका विभिन्न क्षेत्रमा उपलब्ध छ भने आगामी दिनमा अन्य सहरहरूमा पनि विस्तार गर्ने योजना रहेको माई मार्टले जनाएको छ।

माई मार्टले नेपाली उद्यमशीलता र स्वरोजगारी प्रवर्धन गर्ने  उद्देश्यले  स्थानीय उत्पादनलाई प्राथमिकता दिँदै स्वदेशी उत्पादकलाई डिजिटल बजारसँग जोड्ने लक्ष्य लिएको छ। 

स्थानीय उत्पादनलाई उचित मूल्य र सुनिश्चित बजार उपलब्ध गराउन उत्पादकहरूसँग सहकार्य विस्तार गरिएको माई मार्टले उल्लेख गरेको छ।

नयाँ मोडेलमार्फत स्वरोजगारी, रोजगारी सिर्जना, डिजिटलाइज्ड स्थानीय व्यवसाय र उपभोक्तालाई छिटो, सहज र भरपर्दो सेवा प्रदान गर्ने उद्देश्यका साथ माई मार्ट अगाडि बढिरहेको छ। माई मार्टको मोबाइल एप हाल गुगल प्ले स्टोर र एप्पल एप स्टोरमा उपलब्ध छ।

माईमार्ट इन्डस्ट्रिज प्रालि आईएमई ग्रुपअन्तर्गतको संस्था हो । माई मार्टले २०७३ सालदेखि काठमाडौं उपत्यकामा दैनिक उपभोग्य सामग्रीको थोक कारोबार गर्दै आएको छ। 

हालसम्म ३ हजारभन्दा बढी किराना तथा ग्रोसरी पसलहश्रसँग प्रत्यक्ष सहकार्य गर्दै आएको छ।