बिएल संवाददाता
सार्वजनिक स्थलमा महिलालाई गोप्य देखाउने रक्षा मन्त्रालयका शिक्षा अधिकृत पक्राउ परेका छन्।
ललितपुरको महालक्ष्मी नगरपालिका–२ इमाडोलस्थित सार्वजनिक स्थलमा महिलालाई आफ्नो गोप्य अङ्ग प्रदर्शन गर्ने बैतडीको पाटन नगरपालिका–७ घर भएका ५५ वर्षीय सुरेन्द्र भट्ट पक्राउ परेका हुन्।
प्रारम्भिक अनुसन्धानको क्रममा भट्ट सिंहदरबारस्थित रक्षा मन्त्रालयमा शिक्षा अधिकृतको रुपमा कार्यरत रहेको खुलेको प्रहरी प्रधान कार्यालयले जनाएको छ। उनी ललितपुरको महालक्ष्मी–२ बस्दै आएका थिए।
पीडित महिलाले दुर्व्यवहारको भिडियो सामाजिक संजालमार्फत सार्वजनिक गरेपछि प्रहरी वृत्त सातदोबाटोको टोलीले पक्राउ गरेको हो।
पक्राउ परेका भट्टलाई सातदोबाटो प्रहरीको हिरासतमा राखि थप अनुसन्धान भइरहेको प्रहरीले जनाएको छ।
१ .
२ .
३ .
४ .
५ .
प्रतिक्रिया