बाराको सिम्रौनगढ नगरपालिकामा आन्दोलनरत शिक्षक-कर्मचारी र प्रहरीबीच झडप भएको छ।

बुधबार दिउँसाे भएकाे झडपका क्रममा १ स्थानीय मृत्यु भएकाे छ भने १० जना प्रहरी कर्मचारी घाइते भएका छन्।

नगरप्रमुख किशोरी साह कलवारले नगरपालिकाको कार्यालयमा प्रमुख प्रशासकीय अधिकृतलाई हाजिर गराउन लिएर गएको विषयलाई लिएर आन्दोलनकारीहरुले एक्कासी ढुङ्गा मुढा गरी गाडी र नगरपालिकाको भवनमा तोडफोड गरेको थिए।

प्रहरीले स्थितिलाई नियन्त्रणमा लिने क्रममा अश्रुग्यास तथा हवाई फायर गर्ने क्रममा १ जना स्थानीय घाइते भएका थिए। घाइते उनकाे नारायणी अस्पतालमा उपचारका लागि लगिएकाेमा चिकित्सकले मृत घोषणा गरेका हुन्।

यसैगरी आन्दोलनकारीकाे ढुङ्गामुढाबाट १० जना प्रहरी कर्मचारी घाइते भएको र अहिले स्थिति समान्य रहेको जिल्ला प्रहरी कार्यालय बाराका  प्रहरी निरीक्षक शोभन बिक्रम राणाले जानकारी दिए।