गणेश थापाकै पथमा कर्मा छिरिङ : एन्फाले पाउन नसकेको सबल नेतृत्व

पहिलोपोष्ट

काठमाडौँ
  • राधेश्याम दाहाल -

कमी कमजोरी सबैमा हुन्छ। तर, सुधार गर्दै अगाडि बढ्ने र हिजो भएका गल्ती र कमी कमजोरीलाई नदोहोर्‍याउनेहरु तुलनात्मक रुपमा राम्रा हुन्। हिजोका गल्तीलाई सच्चाउनका सट्टा थप दुई कदम अगाडि बढेर गल्ती गर्नेलाई के भन्ने?

नेपाली खेलकुद क्षेत्रको सबैभन्दा चर्चित खेल संघका रुपमा रहेको अखिल नेपाल फुटबल संघमा पछिल्लो समय यस्तै दृश्यहरु देखापर्न थालेको छ। अखिल नेपाल फुटबल संघ एन्फाका अध्यक्ष कर्मा छिरिङ शेर्पाको चर्चा यतिबेला संसदसम्म पुगेको छ। उनले कुनै एक अनलाइनलाई दिएको अन्तर्वार्तामा बोलेको विषय खेल क्षेत्रको 'टक अफ दि टाउन' बनेको छ।

'तराईमा राष्ट्रियता कमजोर छ। त्यो सिकाउने प्रयास खेल मार्फत् गर्दैछु' भन्ने अभिव्यक्तिबाटै एन्फाको नेतृत्व कति कमजोर छ भन्ने प्रष्ट हुन्छ। फुटबल हेरेको भरमा वा खेलका सामान्य नियम जानेको भरमा एउटा मान्छे खेल संघको अध्यक्षसम्म बन्न सक्ने अवस्था छ देशमा। असक्षमहरुलाई नेतृत्व पुग्ने बल मिल्नुको पछाडिको काराण हिजोका नेतृत्व नै हो। हिजोको नेतृत्वले राम्रो उत्तराधिकारीहरु तयार गर्न असफल रह्यो। उनीहरुले नियम, कानुन र पद्धतिमा एन्फा चलाउने अवस्था निर्माण गरेनन्। जसका कारण आजको नेतृत्व यो हदसम्मको देखा पर्‍यो।

प्रकाशित मिति: : 2020-05-31 15:34:33

प्रतिकृया दिनुहोस्