कैलालीको कैलारी गाउँपालिका–६ बेनौली गाउँस्थित विभिन्न टोलमा असार २२ गतेदेखि २५ गतेसम्म हरडहुवाको उल्लास थियो ।
स्थानीयले खेतीपातीमा गरिएको कष्टपछि आपसमा मिठो मसिनो खाएर सामूहिक रुपमा रमाइलो गरे ।
यतिबेला मानव समुदायमा महामारीको रुपमा फैलिएको कोरोना भाइरस (कोभिड १९) को त्रासलाई भुल्दै हरडहुवा अर्थात् रोपाइ सकेपछि मनाइने पर्व धुमधामले मनाइएको छ ।
हरडहुवाको रौनकता बेनौली गाउँ र कैलारी गाउँपालिकामा मात्रै सीमित छैन । यतिबेला कैलाली र कञ्चनपुर जिल्लाको विभिन्न गाउँमा रौनक छाएको छ ।
