सरकारले साउन ३ गते प्रतिनिधिसभाको बैठक बोलाउन सिफारिस गरेको छ।
बिहीबार सिंहदरबारमा बसेको मन्त्रिपरिषद् बैठकले साउन ३ गते बैठक बोलाउन राष्ट्रपतिसमक्ष सिफारिस गर्ने निर्णय गरेको हो।
सर्वोच्च अदालतले असार २८ गते प्रतिनिधिसभा पुनर्स्थापना गर्दै ३ गतेभित्र प्रतिनिधिसभाको बैठक बोलाउन आदेश दिएको थियो।
जेठ ७ गते तत्कालीन मन्त्रिपरिषदको सिफारिसमा राष्ट्रपति विद्यादेवी भण्डारीले प्रतिनिधिसभा विघटन गरी मध्यावधि निर्वाचन घोषणा गरेकी थिइन्।
