नेकपा एमालेका नेता भीम रावलले प्रतिनिधिसभा सदस्यबाट दिएको राजीनामा फिर्ता लिएका छन्।
रावलले शुक्रबार सिंहदरबारस्थित संसद सचिवालयमा सभामुख अग्नि सापकोटालाई भेटेर राजीनामा फिर्ता लिएका हुन्।
उनले पार्टी र जनताको आग्रहअनुसार राजीनामा फिर्ता लिएको बताएका छन्। रावलले साउन ३ गते प्रधानमन्त्री शेरबहादुर देउवाको विश्वासको मत भन्दा अगाडि राजीनामा दिएका थिए।
अछामबाट प्रत्यक्ष निर्वाचित सांसद् रावलले अनैतिक राजनीतिक खेलमा सहभागी नहुने भन्दै आइतबार राजीनामा दिएका थिए।
