काठमाडौं-१ बाट राजसंस्थाको एजेण्डा सहित रवीन्द्र मिश्रको उम्मेदवारी घोषणा

File photo
File photo

राप्रपाका वरिष्ठ उपाध्यक्ष रवीन्द्र मिश्रले आगामी निर्वाचनमा काठमाडौं-१ बाट उम्मेदवारी दिने बताएका छन्।

आगामी ४ मंसिरमा हुने प्रतिनिधिसभा सदस्य निर्वाचनमा काठमाडौं-१ बाट उम्मेदवारी दिने घोषणा गर्दै उनले राजसंस्थाको एजेण्डा लिएर जनतामाझ जाने बताए।

विवेकशील साझा पार्टी परित्याग गरि हालै राप्रपा प्रवेश गरेका मिश्रले शुक्रबार काठमाडौं-१ बाट उम्मेदवारी दिने घोषणा गरेका हुन्।

जनतामाझ जाँदा संवैधानिक राजसंस्थाको एजेण्डा लिएर जाने बताउँदै उनले आफूले भोट नपाए पनि जनतालाई धन्यवाद दिने बताए।

राजाको माया लागेर नभएर देशको हितका लागि राजसंस्थाको कुरा गरेकाे भन्दै उनले भने, ‘देशमा कुनै न कुनै रूपमा संविधानले बाँधेर राजसंस्था पुनर्स्थापित गर्नुपर्छ।

म यही एजेण्डा लिएर जनतामाझ जान्छु। भोट पाए पाउँछु, नत्र खुसीसाथ धन्यवाद व्यक्त गर्छु।’

प्रकाशित मिति: : 2022-09-30 15:05:00

प्रतिकृया दिनुहोस्