महान क्रिकेटर सचिन जब क्रिजमा हुन्थे, उनको बल्ला बोल्थ्यो, अहिले उनी क्रिजमा छैनन्। तैपनि, उनले गरेका हरेक गतिविधिबाट प्रभावित हुने करोडौ मानिस यो संसारमा छन्। क्रिकेटका कतिपय प्रशसकहरू त आज पनि उनलाई भगवान नै मान्छन्। 

उनै महान क्रिक्टर सचिनले इन्स्टाग्राममा पोस्ट गरेको एउटा तस्विर अहिले भाइरल भैरहेको छ। तस्विरमा सचिन दुई युवतीद्वारा दाह्री कटाइरहेका छन्। उनले पोष्टमा लेखेका छन्- 'यी दिदीबहिनीको सैलुनमा दाह्री कटाउँदा आफूलाई गर्व महशुस भएको छ।'

सचिनले आफूले पहिलोपटक अर्को व्यक्तिबाट दाह्री कटाएको पनि खुलासा गरेका छन्। एक त दुई महिलाबाट दाह्री कटाइरहेका छन् र त्यसमा उनले गर्व भएको महसुस गरेर महिला शशक्तिकरणका पक्षमा आवाज दिएका छन्। दोस्रो जीवनमा पहिलोपटक अरूबाट दाह्री कटाएको बताएर उनी कति आत्मनिर्भर र सादाजीवन बिताउँदा रहेछन् भने दृष्टान्त दिएका छन्। 

सचिनको पोष्टले यतिबेला ज्योती कुमारी र नेहा दिदीबहिनी पुन: एकपटक चर्चामा आएका छन्। सचिन तेन्दुलकरले जीवनमा पहिलोपटक अरूलाई दाह्री कटाएको र त्यसमा गर्व लागेको बताएपछि चर्चा नहुने त कुरै भएन। अहिले उनीहरूको सेलुनमा दाह्री कटाउने र कपाल कटाउनेको लामो लाइन लाग्न थालेको छ। 

सन् २०१४ बाबु बिरामी परेपछि भारतको उत्तर प्रदेशका यी दुई दिदीबहिनीले सैलुन चलाउन थालेका थिए। त्यतिबेला प्रेरणादायी काम भन्दै उनीहरू चर्चमा आएका थिए।