रोमाञ्चक खेलमा सनराइज हैदारावादलाई हराउँदै किंग्स इलाभेन पन्जाब भारतमा जारी इण्डियन प्रिमियर लिग (आईपीएल) को तेस्रो स्थानमा उक्लिएको छ।
सोमबार भएको खेलमा सनराइजर्स हैदरावादलाई अन्तिम बल बाँकी छँदा ६ विकेटले हराउँदै पन्जाबले प्रतियोगितामा चौंथो जित निकालेको हो ।
पन्जाब क्रिकेट एसोसियसनको मैदानमा हैदरावादले दिएको १५१ रनको लक्ष्य पन्जाबले अन्तिम बल बाँकी छँदै पुरा गर्यो।
उसका लागि लोकेश राहुल र मायांक अग्रवालले अर्धशतकीय इनिङ्स खेले। राहुलले अविजित रहदै ७१ रनको योगदान दिदाँ अग्रवाल ५५ रनमा आउट भए।
यसअघि क्रिस गेलले १६ रन बनाउँदा डेभिड मिल्लर १ तथा साम करण ५ रनमा अविजित रहे।
हैदरावादका सन्दीप शर्माले २ विकेट लिए। राशिद खान र सिद्दार्थ काउलले एक-एक विकेट लिए ।
यसअघि टस हारेर पहिले ब्याटिङ गरेको हैदरावादले २० ओभरमा ४ विकेट गुमाएर १५० रन बनाएको थियो ।
हैदरावादका लागि डेभिड वार्नरले अविजित ७० रनको अर्धशतकीय इनिङ्स खेल्दा विजय शंकरले २६ रन जोडे।
यस्तै मनिष पाण्डेले १९ र दिपक होडाले ३ बलमा अविजित १४ रन बनाए।
पन्जाबका मुजिब उर रहमान, मोहमद शामी र रविचन्द्र आश्विनले समान १/१ विकेट लिए।
यो जितसँगै पन्जाब ६ खेलबाट ४ जितसहित ८ अंक जोड्दै अंक तालिकाको तेस्रो स्थानमा उक्लिएको हो। हैदारावाद चौथो स्थानमा पन्जाब लिगको चौथो स्थानमा झरेको छ। हैदरावादले ६ खेलबाट ३ र ३ हार व्यहोरेको छ।
लिगमा समान ८ अंक जोडे पनि रनरेटका आधारमा कलकत्ता नाइट राइडर्स शीर्ष स्थानमा छ। समान अंक जोडेको चेन्नई सुपर किङ्स दोस्रो स्थानमा छ। भोलि शीर्ष दुईमा रहेका चेन्नई र कलकत्ता भिड्नेछन्।