बलिउड नायक अक्षय कुमार फोर्ब्स म्यागेजिनले सन् २०२० मा सर्वाधिक कमाई गर्ने कलाकारको सूचीमा परेका छन्। यो बर्ष सर्वाधिक कमाई गर्ने मनोरञ्जन दुनियाँका सेलिब्रिटीहरुको सूचीमा बलिउडबाट अक्षय मात्र परेका हुन्।
फोब्र्सका अनुसार अक्षय यो सूचीको ५२ औं नम्बरमा छन्। अक्षयले ४८.५ मिलियन डलर आम्दानी गरेको उल्लेख गरिएको छ।
सामाजिक कथा बोकेका चलचित्रमा काम गरेपछि उनको करिअर चम्किएको छ। यसैले उनको ब्रान्ड भ्यालु पनि बढेको छ। अक्षयले हलिउड सेलिब्रिटी जेनिफर लोपेजलाई पनि उछिनेका छन्। अक्षयले चलचित्र, विज्ञापनको माध्यमबाट आम्दानी गर्दै आएका छन्।
एक बर्षकै ४ वटासम्म चलचित्रमा अभिनय गर्ने अक्षयको हातमा अहिले विज्ञापनको पनि कमी छैन।
यो सूचीको पहिलो नम्बरमा केली जेनरको नाम छ। उनले यो बर्ष ५९० मिलियन डलर आम्दानी गरेकी छिन्।
