कन्नड चलचित्रका प्रसिद्ध अभिनेता चिरञ्जीवी सर्जाको निधन भएको छ। उनको आइतबार साँझ हृदयघातको कारण निधन भएको हो। छाती दुख्ने र सास फेर्न गाह्रो हुने समस्या देखिएपछि सर्जा शनिबार बेङ्गलोरस्थित अस्पतालमा भर्ना भएका थिए।
सर्जाले सन् २००९ देखि कलाकारको रूपमा आफ्नो करियर शुरू गरेका थिए। यसपछि उनी धेरै कन्नड चलचित्रहरूमा देखा परेका थिए। उनले धेरै चर्चित चलचित्रहरुमा काम गरेका छन्।
उनका जेठा दाजु प्रसिद्ध अभिनेता ध्रुव सर्जा हुन्। उनका हजुरबुबा कन्नड चलचित्रका दिग्गज शक्ति प्रसाद हुन्।
सर्जाले दुई वर्ष अघि अभिनेत्री मेघना राजसँग विवाह गरेका थिए। दक्षिण चलचित्रसँग सम्बन्धित धेरै अभिनेताहरूले सर्जाको मृत्यु पश्चात सामाजिक सञ्चालमा शोक व्यक्त गरेका छन्।
