बलिउडका लोकप्रिय अभिनेता अक्षय कुमार विश्वमा सर्वाधिक धन कमाउने कलाकारको सूचीमा छैटौं नम्बरमा उक्लिएका छन्।
हालै फोर्ब्सले सार्वजनिक गरेको रिपोर्टमा अक्षयको यस वर्षको कमाईं ४८ दशमलव ४ मिलियन डलर अर्थात ३६२ करोड भारतीय रुपैयाँ रहेको बताइएको छ।
अक्षयले पैसा कमाउने मामिलामा यस वर्ष शाहरुख खान र सलमान खानलाई पनि पछाडि पारेका हुन्। अक्षयको यस वर्ष लक्ष्मी बम्ब डिजिटल प्लेटफर्म डिज्नी प्लसमा रिलिज भएको थियो।
उनी कृति सेननसँग बच्चन पांडे, सारा अली खान र धनुषसँग अतरंगी रे, वाणी कपुरसँग बैल–बटम र ब्रम्हाण्ड सुन्दरी मानुषी छिल्लरसँग पृथ्वीराजमा काम गर्दैछन्। उनले विज्ञापनबाट पनि मनग्यै पैसा आम्दानी गरेका थिए।
यस वर्ष सलमान र शाहरुखको पैसा घट्नुमा उनीहरूको कुनै फिल्म रिलिज भएको छैन।
विश्वमा सबैभन्दा बढी पैसा कमाउने नायक हलिउडका ड्वेन जोन्सन हुन्। उनको यस वर्षको कूल कमाईं नै ८७ दशमलव ५ मिलियन डलर रहेको छ।
दोस्रो नम्बरमा रेयान रेनोल्ड (७१.५ मिलियन डलर), तेस्रोमा मार्क वाह्लबर्ग (५८ मिलियन डलर), चौथोमा बेन अफ्लेक (५५ मिलियन डलर) र पाँचौमा बिन डेजल (५४ मिलियन डलर) रहेका छन्।
