अर्घाखाँचीको शितगंगा नगरपालिका–३ बरबोटमा हाइस दुर्घटना हुँदा एक जनाको मृत्यु भएको छ।
काठमाडौंबाट अर्घाखाँची आउँदै गरेको बा ३ ख ८६३९ नम्बरको हाइस शितगंगा-३ स्थित सैनिक क्याम्प नजिकै शनिबार बिहान दुर्घटनामा परेको हो।
घटनामा एकजनाकाे ज्यान गएकाे छ भने ७ जना घाईते भएका छन्। याे समाचार तयार पार्दासम्म मृतककाे सनाखत भईसकेकाे छैन।
घटनामा घाईते हुनेमा सन्धिखर्क नगरपालिका– ११ की समीक्षा शाह, सीता मुखिया, मालारानी गाउँपालिका– ५ का गंगा बहादुर पन्थी, सनपा– १ का श्याम बहादुर नेपाली, सनपा– १२ का गाेविन्द बस्याल, सप्तरी जिल्लाका राेहित कुमार शाह, भूमिकास्थान नगरपालिका– १ का लाेक बहादुर नेपाली र भुनपा ८ का केशव खत्री रहेका छन्।
दुर्घटनामा हाइस चालक सुदन रायमाझी र सहचालक धारापानीका टेकराज बन्जाडेकाे अवस्था सामान्य रहेकाे जनाईएकाे छ। गम्भिर घाईते लाेक बहादुर नेपाली र गाेविन्द बस्याल दुईजनाकाे बुटवल रिफर गरिएकाे जिल्ला ट्राफिक प्रहरी कार्यालय अर्घाखाँचीले जानकारी दिएकाे छ।
