राष्ट्रिय आविष्कार केन्द्रका संस्थापक महावीर पुनको आत्मकथा किताब (महावीर पुन: सम्झना, सपना र अविरल यात्रा) जापानीज भाषामा पनि छापिने भएको छ।
पुस्तक जापानीज भाषामा कोजी तेराकावाले नि:शुल्क उल्था गरिरहेको महावीर पुनले बताएको छ। जपानीज नागरिक कोजी लामो समय नेपालमा विभिन्न परियोजनामा रहेर काम गरेका थिए।
पुनद्वारा लिखित आत्माकथा गत दसैँमा सर्वसाधारण माझ ल्याइएको पुस्तक करिब ६ महिनामा ८० हजार बढी बिक्री भइसकेको छ। सोही पुस्तक बिक्री अभियानमा १०० दिनदेखि नेपालको पश्चिम, सुदूरपश्चिमका विभिन्न गाउँ, सहर, बजार हुँदै पूर्वतिरको यात्रामा पुन देश डौडाहमा छन।
किताब बेचेर ३० वर्ष भन्दा लामो समयदेखि बन्द रहेको वीरगञ्जस्थित कृषि औजार कारखाना सञ्चालन गर्न पुनको प्रतिबद्धता रहेको छ।
राष्ट्रिय अविस्कार केन्द्रद्वारा प्रकाशित पुस्तकको मूल्य रु. ७५० राखिएको छ।
