एएफसी यू–२३ च्याम्पियनसिपको छनोटअन्तर्गतको पहिलो खेलमा नेपालले ओमानसँग हार बेहोरेको छ।
कतारस्थित दोहास्थित दोहा स्पोर्टस सिटीको एस्पायर–४ मैदानमा शुक्रबार नेपालले ओमानसँग १–० को हार बेहोरेको हो ।
ओमानका लागि अल मल्कीले खेलको १३औं मिनेटमा गरेको गोल नै नेपालको हारमा निर्णायक बन्यो ।
खेलभर नै ओमानले नेपाललाई दवावमा राखे पनि थप गोल गर्न सकेन।
सन् २०२० को जनवरी ८ देखि २६ सम्म थाइल्याण्डमा हुने प्रतियोगिताका लागि छनोट चरणमा ११ समूह छन्।
समूह ‘ए’ मा नेपालले ओमान, कतार र अफगानिस्तानसँग खेल्नुपर्नेछ। ११ समूहबाट समूह विजेता र उत्कृष्ट पाँच उपविजेता गरी १५ टिम तथा आयोजक थाइल्याण्डले एएफसी यू–२३ फाइनल चरणमा प्रतिस्पर्धा गर्नेछन् ।
नेपालले दोस्रो खेलमा आइतबार कतार र तेस्रोमा मंगलबार अफगानिस्तानसँग खेल्नेछ।
यसअघि हिजै भएको समूहको अर्को खेलमा घरेलु टोली कतारले अफगानिस्तानलाई २-० गोल अन्तरमा हराउँदै समूहको शीर्ष स्थानमा पुगेको छ।
.JPG)
