अमेरिका क्यानडाबाट आयात हुने स्टिल तथा आल्मुनियममा लगाउँदै आएको अतिरिक्त कर हटाउन सहमत भएको छ ।
दुई देशबिच भएको पछिल्लो वार्तामा अमेरिकाले लगाउँदै आएको स्टिलको २५ प्रतिशत र आल्मुनियममाको १० प्रतिशत कर हटाउने सहमति जुटेको हो ।
वार्तापछि जारी संयुक्त वक्तव्यमा अमेरिकाले लगाउँदै आएको कर ४८ घण्टाभित्र हटाउने सहमति भएको उल्लेख छ ।
अमेरिका र क्यानडाबीचको व्यापार वार्तामा गतिरोध उत्पन्न भएपछि अमेरिकाले राष्ट्रिय सुरक्षाका लागि भन्दै स्टिल र आल्मुनियममा कर लगाएको थियो ।
क्यानडामा उत्पादन हुने स्टिल तथा आल्मुनियमको मुख्य बजार अमेरिका हो ।
