भारतलाई हराउँदै बंगलादेशले पहिलो पटक यू १९ विश्वकपकाे उपाधि जितेको छ।
दक्षिण अफ्रिकामा जारी यू १९ विश्वकपकाे फाइनलमा खेलमा आइतबार राती बंगलादेशले चार पटकको च्याम्पियन भारतलाई ३ विकेटले पराजित गर्दै उपाधि जितेको हो।
भारतले दिएको १ सय ७८ रनको लक्ष्य बंगलादेशले पछ्छाएको बंगलादेशले ४१ ओभरमा ७ विकेट गुमाउँदै १ सय ६३ रन बनाएपछि वर्षाको कारण खेल रोकिएको थियो।
वर्षा नरोकिएपछि ‘डकवर्थ लेविस’ पद्धतीको आधारमा बंगलादेशले जितको लागि ४६ ओभरमा १ सय ७० रनकाे नयाँ लक्ष्य पाएकाे थियाे। उक्त लक्ष्य बंगलादेशले ४२.१ ओभरमा ७ विकेट गुमाउँदै पुरा गर्यो।
बंगलादेशको जितमा कप्तान अकवर अलीले अविजित ४३ रन जोडे। उनले ७७ बलमा ४ चौका र १ छक्का प्रहार गरेका थिए। त्यस्तै परवेज हुसेन इमोनले ७९ बलमा ७ चौका सहित ४७ रनको योगदान दिए।
यता कीबुल हसन ९ रनमा अविजित रहे।
भारतका स्पिनर रवि विश्रोइले ४ विकेट लिए। उनले १० ओभरमा ३ मेडन राखेर ३० रन खर्चिएका थिए। यस्तै सुशान्त मिश्रा २ र यसस्वी जैसवालले १ विकेट लिए।
त्यसअघि टस हारेर पहिले ब्याटिङको निम्तो पाएको भारत ४७.२ ओभरमा अल आउट हुँदै १ सय ७७ रनमा समेटिएको थियो।
भारतका ओपनर यशस्वी जैसवालले सर्वाधिक ८८ रनको योगदान दिए। उनले १ सय २१ बलमा ८ चौका र १ छक्का प्रहार गरे। यस्तै तिलक बर्मा ३८ र धुब्र जुरेलले २२ रन बनाउनु बाहेक अन्य ८ खेलाडीले दोहोरो अंक छुन सकेनन्।
बंगलादेशका अभिषेक दासले ९ ओभरमा ४० रन खर्चेर ३ विकेट लिए। त्यस्तै हसन सकीब र शोरफुल इस्लामले २/२ विकेट लिए।
