वीरगञ्जबाट आइतबार थप १० जना कोरोना संक्रमण निको भई घर फर्किएका छन् ।
वीरगञ्जका विभिन्न अस्पतालको आईसोलेसन, होम आइसाेलेसन, सामुदायिक आइसोलेसनमा उपचाररत् रहेका संक्रमितहरूमध्ये १० जना कोरोना निकोभई घर फर्किएको जिल्ला प्रशासन कार्यालय पर्साले जनाएकाे छ ।
आजसम्म पर्सा जिल्लामा २ हजार ४ सय ४३ जनामा संक्रमण पुष्टि भएको छ र ती मध्ये १ हजार ८ सय ९२ पुरुष र ५ सय ५१ महिला रहेका छन् ।
त्यसैगरी बीरगञ्जमा कोरोनामुक्त भई घर फर्किनेको संख्या १६ सय ६४ जना पुगेको छ ।
वीरगञ्जमा आजसम्म ४२ जना कोरोना संक्रमितको उपचारको क्रममा मृत्यु भएको उल्लेख गरिएको छ ।
त्यसैगरी आज सम्म वीरगञ्जको अस्थायी कोभिड गण्डक अस्पतालमा ५३ पुरुष, १० महिला सहित ६३ जनाको उपचार भइरहेको जनाइएको छ ।
