बागलुङको बरेङमा आगलागी हुँदा एक घर जलेर नष्ट भएकाे छ।
बरेङ गाउँपालिका–३ बाटाकाचौरका सरस्वती बिकको कच्ची घरमा राति २ बजे आगलागी भएकाे प्रहरी चौकी बरेङले जनाएको छ ।
घरमा आगलागी भएको देखेर भागेका बिक परिवारले ज्यान बचाँएका छन् ।
उनको घरका सबै सामान जलेको प्रहरी सहायक निरीक्षक कृष्ण अधिकारीले जानकारी दिए ।
उनक अनुसार स्थानीयले राति नै आगो नियन्त्रणमा लिएकाले गाउँका अन्य घरमा भने क्षति हुन पाएन ।
घरमा रहेका अन्नपात, लत्ता कपडा सबै जलेकाले बिक परिवारलाई छिमेकीको घरमा आश्रय दिइएको अधिकारीले बताए।
