महानगरीय ट्राफिक प्रहरी महाशाखाले सचेतनाका लागि नयाँ अभियानको शुभारम्भ गरेको छ।
शनिबारदेखि ट्राफिक सचेतनाका लागि ‘सांगीतिक डमी अभियान’ शुभारम्भ गरेको हो।
सर्वसाधारण र चालकलाई ट्राफिक नियम पालनामा जागरुक बनाउन चोक चोकमा ट्राफिक सचेतनामुलक गीतहरु बजाउँदै जनचेतना जगाउन डमी प्रयाेग गरिन लागिएकाे महाशाखाका प्रमुख एसएसपी भीम ढकालले बताए।
ट्राफिक प्रहरीले अभियानबाट एक महिनामा १ लाख जनामा ट्राफिक सचेतामा जगाउने लक्ष्य लिएको छ।
उनका अनुसार पहिलो चरणमा काठमाडौं उपत्यकामा ५ स्थानहरु रत्नपार्क, कोटेश्वर, कलंकी, नयाँ बानेश्वर र नयाँ बसपार्कमा सांगीतिक डमी अभियानको शुभारम्भ गरिएको छ।
यसअघि ट्राफिक प्रहरीले उपत्यकाका विभिन्न स्थानमा ट्राफिक डमी राखेको थियो भने त्यो डमी अभियान प्रभावकारी बनेको बताए।
