पूर्वकप्तान स्टिभ स्मिथको शतकको सहयोगमा भारतविरुद्धको तेस्रो टेष्टको दोस्रो दिनको समाप्तिमा अस्ट्रेलियाले २४२ रनको अग्रता बनाएको छ।
अस्ट्रेलियाले पहिलो इनिङ्समा ३३८ रन बनाएपछि दोस्रो दिनमै पहिलो इनिङ्स सुरु गरेको भारतले २ विकेट गुमाएर ९६ रन बनाएको हो।
स्टिभ स्मिथले शतकिय ईनिङ्स खेल्दा अस्ट्रेलियाले तीन सय भन्दा माथिको स्कोर बनाएको थियो। स्मिथले १३१ रन बनाए। स्मिथले २ सय २६ बलमा १६ चौका सहित १ सय ३१ रनमा आउट भए।
स्मिथको यो टेष्ट करिअरको २७ औं शतक हो।
यस्तै मार्नुस लाबुसचेनले ९१ रन जोडे। शतक नजिक पुगेका लाबुसेनलले १ सय ९६ बलमा ११ चौका प्रहार गरे।
म्याथ्यु वेड १३ रनमा क्याच आउट भए। जस्प्रित बुमराहले युवा अलराउन्डर क्यामरन ग्रिनलाई शून्यमा एलबिडब्लू र कप्तान टिम पेइनलाई १ रनमा बोल्ड आउट गरे।
रविन्द्र जडेजाले प्याट कमिन्सलाई शून्यमा बोल्ड आउट गरे। मिचेल स्टार्क ३० बलमा २ चौका र १ छक्का सहित २४ रनको योगदान दिए।
ओपनर डेभिड वार्नर ५ रनमा क्याच आउट भए।
सम्रग्रमा भारतका रविन्द्र जडेजाले ४ तथा जसप्रित बुमराह र नवदीप सैनीले २(२ विकेट लिए।
भारतका चेतेश्वर पुजारा ९ र कप्तान अजिन्का रहानले ५ रनमा अविजित छन्। ओपनर शुभमन गिलले ५० रन बनाए भने रोहित शर्माले २६ रन बनाए।
ओपनर रोहित र गिलले पहिलो विकेटका लागि २७ ओभरमा ७० रनको साझेदारी गरेका थिए। जोश हेजलवुडले रोहितलाई २६ रनमा आउट गर्दै पहिलो विकेट लिएका थिए। रोहितले ७७ बलमा ३ चौका र १ छक्का प्रहार गरे।
गिललाई प्याट कमिन्सले क्यामरन ग्रिनबाट ५० रनमा क्याच आउट गराए। करिअरको दोस्रो टेष्ट खेलि रहेका गिलले आफ्नो पहिलो अर्ध शतक प्रहार गरेका थिए। गिलले १ सय १ बलमा ८ चौका प्रहार गरे।
अस्ट्रेलियाका जोस हेजलउड र प्याट कमिङ्सले १–१ विकेट लिए।
