जीवनको तिर्सना!

फरक विचार बोकेर
बेग्लै सिद्धान्तको 
नूतन घुम्टो भित्र
सुनौतीका प्रश्नहरूले
उत्तर खोज्ने छन्
तिमी र मसँग 
आफ्नो हिस्सा माग्ने छन्
जीन्दगीको बिच मार्गमा।

मार्न पल्केका
बिना हतियार रेट्न पल्केका
ती जनावरहरूले
तिमी र मलाई 
मार्दैनन् भन्ने 
कुनै विकल्प नै छैन।

हिजो एउटै आँगन भित्र
आत्मीयताको भाव बोकेर
चंगा जस्तै उड्ने रहर
आज चुँडिएको छ
तिम्रो लोचनको अगाडि
लट्टाको डल्लो

वर्षौदेखिको प्यास मेटाउन
कहाँ सकिन्छ र
आँसुका धाराहरूले
जीवनको तिर्सना!

अमृतको अपेक्षा गरेर
विष बनाउने चेष्टा गरेका
ती बनैयाहरूलाई
राँको लिएर लखेट्नु पर्छ
यो देशबाट
यो राष्ट्रबाट
यो समाजबाट
तिमी र मैले
एकताको माला उनेर
विरताको भाव बोकेर!

नांगिएको गगन भित्र
नांगिएर हिँड्ने
यस्ता पाखण्डिहरू 
बाँचेर पनि केही हुँदैन
मात्र पृथ्वीको भार हुन् 
संसारको धब्बा हुन्
समाजको कोहाहल हुन्
र राष्ट्रको दुच्छर हुन्
यस्तालाई आजैबाट लखेट्नु पर्छ
तिमी र मेरो आँगनबाट!

प्रकाशित मिति: : 2021-01-16 16:19:00

प्रतिकृया दिनुहोस्