पछिल्लो २४ घण्टामा थप ८ हजार ६३६ जनामा कोरोना सङ्क्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार देशभरका प्रयोगशालामा २२ हजार ३०६ नमुनाको पीसीआर टेष्ट गर्दा ८३८७ र ६३० को एन्टिजेन टेष्ट गर्दा २४९ जनामा संक्रमण पुष्टि भएको हो।
पछिल्लो २४ घण्टामा ६ हजार ४०४ जना उपचारपछि निको भएर घर फर्किएका छन्।
यस्तै गत २४ घण्टामा कोरोना संक्रमणबाट थप १६९ जनाको मृत्यु भएको छ। योसँगै कुल मृतकको संख्या ६ हजार ७०० पुगेको छ।
आजसम्म मुलुकभर सक्रिय सङ्क्रमितको सङ्ख्या एक लाख १७ हजार २६१ जना रहेको छ।
