कोरोना संक्रमणबाट थप एक जनाको मृत्यु, १२१ जना संक्रमित

Symbolic photo
Symbolic photo

कोरोना भाइरसको सङ्क्रमणबाट आज एक जनाको मृत्यु भएको छ। स्वास्थ्य तथा जनसङ्ख्या मन्त्रालयका अनुसार आज एक जना सङ्क्रमितको मृत्यु भएको हो।

मङ्गलबार चैत २८ गते पनि एक जनाको मृत्यु भएको थियो। यस्तै आज दुई हजार तीन सय ७७ जनाको कोरोना परीक्षण गर्दा एक सय २१ जनामा सङ्क्रमण देखिएको छ। यस्तै कोरोना उपचारबाट ८१ जनाले स्वास्थ्य लाभ गरी घर फर्किएका छन्।

यसैगरी काठमाडौँ उपत्यकामा २५ जना आइसोलेसन, ११ जना सघन उपचार कक्ष (आइसियु) र तीन जना भेन्टिलेटरमा उपचारत रहेका छन्। हालसम्म चार सय ४५ जना सक्रिय सङ्क्रमित रहेका छन्। नेपालमा पछिल्लो पटक कोरोना भाइरसको सङ्क्रमण बढिरहेको छ। 

प्रकाशित मिति: : 2023-04-12 17:22:00

प्रतिकृया दिनुहोस्