आजको व्यस्त जीवनमा हामीसित आफ्नो वा राम्रो जीवन बिताउन समय छैन। विशेष गरी कोरोना भाइरसको महामारीले गर्दा हाम्रो जीवन कठिन भएको छ। अब अफिसको कामसँगै घरधन्दाका लागि समय बनाउनुपर्छ। यस्तो अवस्थामा सबै जना दबाबमा बाँचिरहेका छन्। घर र कार्यालयको कामको चिन्तामा हाम्रो पूरै दिन कसरी बित्छ हामीलाई थाहा छैन। यस्तो दबाब र नकारात्मक चरणबाट छुटकारा पाउन तपाईंले आफ्नो जीवनशैलीमा केही परिवर्तन गर्नुपर्छ। आयुर्वेदमा बिहानको केही नियमहरू छन् जसले तपाईंको जीवनशैलीमा सुधार मात्र होइन तर तपाईंमा आत्मविश्वास, अनुशासन र सन्तुलन पनि जगाउन सक्छ। त्यसैले, जानौँ यी नियमबारे।

बिहान सबेरै उठ्नुस्
बिहान सबेरै उठ्नाले तपाईंको स्वास्थ्य र मूडमा राम्रो असर पार्न सक्छ। सूर्योदयभन्दा दुई घण्टाअघि उठ्नुपर्छ। यसो गर्नाले दिनको सुरु(सुरुतिर शरीर सफा गर्न र त्यसमा ध्यान दिन पर्याप्त समय दिन्छ।

पानीले अनुहार धुनुहोस् 
बिहान सबेरै उठेपछि पहिला आफ्नो अनुहार र आँखा पानीले धुनुहोस्। आयुर्वेदमा यो एक राम्रो व्यायाम मानिन्छ। आँखामा पानी हाल्दा पानी चिसो वा तातो नहोस् भन्ने कुरा पक्का गर्नुहोस्।

दाँत र जिब्रो सफा गर्नुहोस्
बिहान उठेर दाँत सफा गर्नु निकै महत्वपूर्ण हुन्छ। पहिले दातँ राम्ररी माझ्नुहोस् र त्यसपछि जिब्रो पनि सफा गर्नुहोस्। मुख सफा गर्नु निकै महत्वपूर्ण हुन्छ। यसले धेरै रोग लाग्न सक्ने ब्याक्टेरियालाई निर्मूल पार्छ।

व्यायाम 
बिहान उठेर व्यायाम गर्नुहोस्। यसले तपाईंलाई स्फूर्ति दिने मात्र होइन तर दिनभरि तपाईंको मूड पनि राम्रो बनाउँछ। बिहान योग वा व्यायाम गरेर मनन गर्दा दिमाग शान्त हुन्छ र आराम महसुस हुन्छ।

मुख कुल्ला
मौसम परिवर्तन वा बढ्दो प्रदूषणले गर्दा घाँटी दुखेको छ। यसका लागि तपाई हरेक बिहान उठेर मनतातो पानीले गार्गार गर्नुहुन्छ भने यो समस्या समाधान हुनेछ।

स्वस्थ नास्ता
बिहानको पहिलो भोजन स्वस्थ्यसँग समयमै हुनुपर्छ। बिहानको लागि ताजा फलफूल वा रस राख्नुहोस्। सुख्खा फलफूल, अन्डा, मकै, ओटमाजस्ता स्वस्थकर खानेकुरा पनि खानुहोस्। यसो गर्दा दिनभरि ऊर्जा प्राप्त गर्न सकिन्छ ।