सरकारले मेलम्ची खानेपानी आयोजनाको पानी चुनावअघि नै काठमाडौंमा वितरण गर्ने तयारी गरेको छ।
वर्षायाममा मेलम्ची खोलाको बाढीले सुरुङमा क्षति पुर्याउन सक्ने भन्दै पानी ल्याउन बन्द गरिएको थियो। तर ४ मंसिरको प्रतिनिधिसभा र प्रदेशसमा निर्वाचनअघि नै पानी ल्याउने गरी तयारी भएको खानेपानी मन्त्रालयले जनाएको छ।
आइतबार खानेपानीमन्त्री उमाकान्त चौधरीसहित मन्त्रालय र मेलम्ची आयोजनाका अधिकारी सिन्धुपाल्चोकस्थित मेलम्ची खानेपानी आयोजनाको मुहान क्षेत्र अम्बाथान जाने तय भएको थियो। तर, मौसम खराब भएका कारण उक्त कार्यक्रम स्थगित भएको मन्त्रालयका एक अधिकारीले जानकारी दिए।
