काठमाडौंको माइतीघरमा महिना दिनदेखि धर्नामा बसेका सहकारी पीडितहरुले प्रदर्शन गरेका छन्।
संसद भवन अगाडि नयाँ बानेश्वरमा पुगेर सहकारी पीडितहरुले प्रदर्शन गरेका हुन्।
लामो समयसम्म न्यायका लागि धर्नामा बस्दासमेत न्याय नपाएको भन्दै पीडितहरु प्रदर्शनमा उत्रिएका छन्। उनीहरुले सहकारीले खाइदिएको पैसा फिर्ता पाउनुपर्ने, ठग सहकारी सञ्चालकलाई पक्राउ गर्नुपर्ने लगायत माग राखेर प्रदर्शन गरेका छन्।
