नेपाल सितोरियो कराँते संघ मोरङको कार्यबाहक अध्यक्षको जिम्मेवारी इन्द्र लामालाई दिइएको छ।
यसअघि संस्थाको उपाध्यक्ष रहेका लामालाई कार्यबाहक अध्यक्षको जिम्मेवारी दिइएको अध्यक्ष चन्द्रबहादुर पराजुलीले जारी गरेको विज्ञप्तिमा उल्लेख छ।
विज्ञप्तिमा भनिएको छ, ‘नेपाल सितोरियो कराँते संघ मोरङले आयोजना गर्ने सम्पूर्ण कार्यक्रम, आथित्यता तथा काम कर्तव्यअनुसार गर्न तपाईंलाई जिम्मेवारी अख्तियारी दिइएको छ।’
पूर्वखेलाडीसमेत रहेका लामाले कार्यबहाक अध्यक्षको जिम्मेवारी पाएसँगै कराँते खेलले फड्को मार्ने अपेक्षा गरिएकाे छ। लामा भन्छन्, ‘म खेलकुद र सामाजिक क्षेत्रमा आफूलाई समर्पित गरेको मान्छे, कराँते खेललाई उचाइमा पुर्याउन तन/मनले लाग्नेछु।’
