उपसभामुख इन्दिरा राना मगरले संघीयताले शक्तिको बाँडफाँट भएपनि शक्तिको विकेन्द्रीकरण नभएको बताएकी छिन्।
उनले प्रशासकीय र प्रहरी व्यवस्थापन पनि संघीयताकै मर्मअनुसार हुनेगरी नीति बनाउनुपर्नेमा जोड दिइन्।
शनिबार काठमाडौंमा आयोजित संघीयता सबलीकरणमा प्रदेश तथा स्थानीय तहका सवालहरूमा छलफल कार्यक्रममा उनले शक्तिको बाँडफाँड भएपनि शक्तिको विकेन्द्रीकरण नभएको कुरालाई ध्यान दिनुपर्ने बताएकी हुन्।
उनले भनिन्, ‘शक्तिको बाँडफाँड भयो तर शक्तिको विकेन्द्रीकरण भएन भन्ने कुरालाई एकदमै ध्यान दिनुपर्छ। तीनै तहका सरकारले कसरी अन्तर्निहीत भएर काम गर्न सक्छौं, संघीयताको प्रशासकीयलाई कसरी व्यवस्थापन गर्न सक्छौं, प्रहरीलाई कसरी व्यवस्थापन गर्न सक्छौं? भन्ने कुराहरूलाई छलफलमा ल्याएर हामीले बनाउने नीतिमा समावेश हुनुपर्छ।’
.JPG)
