भारतबाट आउने तरकारी तथा फलफूलमा सरकारले विषादी परीक्षण रोक्न गरेको निर्णयविरुद्ध सर्वोच्च अदालतमा रिट दायर भएको छ।
स्वतन्त्र राष्ट्रिय अभियानका तर्फबाट अधिवक्ताद्वय भद्रप्रसाद नेपाल र नारायणप्रसाद दवाडीले मंगलबार सरकारको सो निर्णयविरुद्ध सर्वोच्चमा रिट दायर गरेका हुन् ।
भारतबाट आयातीत तरकारीमा बिषादी परीक्षणमा छुट दिने असार १९ को मन्त्रिपरिषद बैठकको निर्णय खारेज गर्न अन्तरिम आदेशको माग रिटमा उल्लेख गरिएको छ ।
त्यसैगरी रिटमा भारतसँगै देशबाट ल्याइने तरकारी, फलफूल तथा अन्य खाद्य सामग्रीको बिषादी परीक्षण गर्न समेत माग गरिएको छ ।