अमेरिकामा राष्ट्रपति ट्रम्प फेरि एकपटक रक्षात्मक बन्ने स्थितिमा गुगेका छन् । रबर्ट मलरले संसदीय समितिमा बयान दिने क्रममा आफूले राष्ट्रपति ट्रम्पलाई निर्दोषिताको प्रमाण नदिएको बताएपछि उनको स्थिति यस्तो बनेको हो ।
मलर संसदीय समितिमा गएर बयान दिनु हुदैन भन्ने पक्षमा रहेका राष्ट्रपति ट्रम्प उनको यो बयानपछि थप बिच्केका छन् । उनले मलरले आफ्नो प्रतिवेदनको निचोडसँग बाँझिने कुरा गरेर अमेरिकालाई थप अनिश्चियतिर लैजान सघाएको आरोप लगाए ।
उनले मलर अनुसन्धान समय र स्रोतको बर्बादी मात्र भएको बताउँदै यसबाट सन् २०२० मा डमोक्रेटलाई थप घाटा हुने पनि बताए । उनले मलरलाई अन्तर्वाता नदिएर ठीक गरेको पनि बताए ।
उता, डमोक्रेटहरू भने अब राष्ट्रपति ट्रम्पलाई महाअभियोग लगाउने बाटो खुल्यो भनेर थप उत्साहित भएका छन् । सभामुख नान्सी पेलोसीले संसदका तीन महत्वपूर्ण समितिका सभापतिसँगै प्रेसलाई सम्बोधन गरेकी छिन् । उनले ढिलो चाँडो ट्र्म्पले अमेरिकामाथि गरेको धोाकाधढीको मूल्य चुकाउनुपर्ने बताइन् । अमेरिकी जनतालाई खुला आँखा र दिमाखले हेर्ने दिन आएको बताउँदै उनले भनिन्- यस्तो ूट बोल्ने मान्छेबाट न अमेरिकाको न अमेरिकी जनताको प्रतिष्ठा बढ्छ ।
रबर्ट मलरको बयानपछि तातेको अमेरिकी राजनीतिमा कुनै पनि बेला नाटकीय मोड नआउला भन्न सकिन्न । अमेरिकी राजनीतिका पण्डितहरू पनि 'चियाको कपमा तुफान' आउने पूर्व संकेतका रूपमा यसलाई ब्याख्या गरिरहेका छन् ।
