अमेरिकामा घरेलु आतंकको सम्भावना यति बढेको छ कि अब त होटलमा बास बस्न पनि तीनपटक सोच्नुपर्ने भएको छ । सामान्य होटलमा हैन, नाम चलेकै होटलमा हुन लागेको एक सम्भावित घटनाले त्यस्तो संकेत गरेको हो ।
क्यालिफर्नियाको लङबीचङ म्यारियट होटलमा कार्यरत एक कुकलाई प्रहरीले उनकै निबासबाट भारी मात्रामा अत्याधुनिक हातहतियारसहित पक्राउ गरेको छ ।
पक्राउ पर्ने ३७ वर्षीय रोडल्फो मोन्टाया रहेका छन् । उनकै सहकर्मीहरूले उनको खराव नियतको संकेत पाएपछि प्रहरीलाई जानकारी दिएका थिए ।
सहकर्मीहरूले उपलब्ध गराएको सूचनाको आधारमा प्रहरीले हन्टिङटनस्थित मोन्टोयाको घरमा छापा मारेर उनलाई पक्राउ गरेको हो ।
लङबीच प्रहरी प्रमुख रोबर्ट लुनाले मोन्टोयाले मास सुटिङ गर्ने प्रष्ट नियत राखेर योजना बनाएको बताए । तर, उनको योजना असफल बनाएर धेरैको ज्यान जोगाउन सकिएकोमा उनले सूचना दिने सहकर्मीहरूलाई धन्यवाद दिए ।
मोन्टोयामाथि थप अनुसन्धान भैरहेको बताउँदै चाँडै नै उनलाई अदालता पेश गर्न लागिएको पनि बताए ।
यसअघि गत साता मात्र पनि अमेरिकाका तीन विभिन्न सहरमा योजना बनाइएका सम्भावित मास सुटिङ सर्वसाधारणले दिएको सूचनाका आधारमा टारिएको थियो ।
