चौथो संकरणको धनगढी प्रिमियर लिग (डीपीएल) क्रिकेट प्रतियोगिताको मिति पछि सरेको छ।
आयोजक धनगढी क्रिकेट एकेडेमीले मंगलबार प्रेस विज्ञप्ति जारी गर्दै प्रतियोगिताको मिति ८ महिनापछि सरेको जानकारी गराएको हो। फागुन ३ गतेबाट प्रतियोगिता गर्ने तयारीमा रहेको एकेडेमीले नेपाली राष्ट्रिय क्रिकेट टिम व्यस्त रहने हुँदा प्रतियोगिताको मिति सारिएको जनाएको हो।
अब चौथो संस्करणको प्रतियोगिता कात्तिक ८ देखि २२ गतेसम्म हुनेछ।
प्रतियोगितामा ६ फ्रेन्चाइज टोलीले सहभागिता जनाउने छन्। सहभागी टिममा चौराहा धनगढी, सीवाइसी अत्तरिया, रुपन्देही च्यालेन्जर्स, महेन्द्रनगर युनाइटेड, काठमाडौँ गोल्डेन र विराटनगर किंग्स रहेका छन्।
गत संस्करणको उपाधि अत्तरियाले जितेको थियो।
