आईसीसी विश्वकप लिग–२ को त्रिकोणात्मक सिरिजको तेस्रो खेलमा नेपालले दिएको २ सय ५० रनको विशाल लक्ष्य पछ्छाएको ओमानले दाेस्राे विकेट गुमाएको छ।
नेपाललाई दोस्रो सफलता सुशन भारीले दिलाएका हुन्। उनले १८ औं ओभरको पाँचौ बलमा खवार अलिलाई आउट बनाए। अलिले ५६ बलमा ६ चौका प्रहार गर्दै ४१ रन बनाएका थिए।
यसअघि ओमानले पहिलो विकेटको रुपमा जतिन्दर सिंहलाई गुमाएको थियाे। उनकाे विकेट ११ औं ओभरको दोस्रो बलमा नेपालका युवा अलराउण्डर कुशल मल्लले लिएका हुन्।