घरेलु टिम न्युजिल्याण्डले पहिलो टेष्टको पहिलो इनिङ्समा भारतविरुद्ध सामान्य अग्रता बनाएको छ।
विलिङटनमा शनिबार दोस्रो दिनको खेल सकिदा न्युजिल्याण्डले ५१ रनको अग्रता बनाएको हो। भारतलाई १ सय २२ रनमै अलआउट गर्दै पहिलो इनिङ्स थालेको न्युजिल्याण्डले दोस्रो दिनको खेल सकिदा ५ विकेट गुमाएर २ सय १६ रन बनाएको छ।
न्युजिल्याण्डका लागि कप्तान केन विलियम्सन ८९ रन बनाए । उनले १५३ बलमा ११ चौका प्रहार गरेका थिए। यता रोस टेलरले ७१ ले ६ चौका र १ छक्का प्रहार गर्दै ४४ रन बनाए। यस्तै टम ब्लुनडेलले ३० रन बनाए। बिजे वाट्लिङ १४ रनमा अविजित रहदा कोलिन डी ग्राण्डहोमे ४ रन बनाएर अविजित छन् ।
भारतका लागि इशान्त शर्माले ३ विकेट लिए। यस्तै मोहमद शामी र रविचन्द्र आश्विनले १/१ विकेट लिए ।
यसअघि विलिङटनमा शुक्रबार टस हारेर पहिले ब्याटिङ गरेको भारतले पहिलो दिनको समाप्तिमा ५ विकेट गुमाएर १ सय २२ रन बनाएको थियाे। ५ विकेटको क्षतिमा १ सय २२ रनबाट दोस्रो दिनको खेल थालेको भारतका ब्याट्सम्यानले खुलेर खेल्न सकेनन् । उसका लागि अजिका रहानेले ३८ रनमा अविजित खेले। मोहमद शामीले २१, ऋषब पन्तले १९ तथा पृथ्वी शव्र १६ रनमा आउट भए । यता चेतेश्वर पुजारा ११, हनुमा विहारी ७ र कप्तान विराट कोहली २ रनमा पेभेलियन फर्किए।
न्युजिल्याण्डका टिम साउथी र केली जेमिसनले ३/३ विकेट लिए।
