क्रिकेटर बेन स्टोक्स र जोश बट्लरले बेलायतको प्रसिद्ध अवार्ड ‘अर्डर अफ दि ब्रिटिश इम्पाएर’ प्राप्त गरेका छन्।
बकिङहम प्यालेसमा मंगलबार राति भएको एक समारोहमा स्टोक्स र बट्लरलाई अवार्ड प्रदान गरिएको हो।
स्टोक्स र बट्लरलाई बेलायती राजकुमार विलियम्सले अवार्ड प्रदान गरेका थिए।
स्टोक्सले यसै वर्ष आईसीसी वर्ष खेलाडी अवार्ड र बीबीसी स्पोर्ट्स ‘पर्सनालिटी अफ दि इयर’ अवार्ड जितेका थिए।
स्टोक्सको उच्च प्रदर्शनले इंग्ल्यान्डले गत वर्ष घरेलु मैदानमा भएको आईसीसी एकदिवसीय विश्वकप क्रिकेटको उपाधि जितेको थियो। फाइनलमा इंग्ल्याण्डले न्युजिल्याण्डलाई हराएको थियो।