कोरोना भाइरसको संक्रमणका कारण इटालीपछि स्पेनको अवस्था गम्भीर बन्दै गइरहेको छ। स्पेनमा मर्नेको संख्या चीनभन्दा माथि पुगेको छ।
नेपाली समयअनुसार बिहीबार साँझ ६ सम्म स्पेनमा थप ४ सय ४२ जनाको निधन भएपछि कोरोनाका कारण यो देशमा मर्नेको संख्या ४ हजार नाघेको छ।
स्पेनमा ४ हजार ८९ जनाको निधन भइसकेको छ। यहाँ अझै ३ हजार १ सय ६६ जनाको अवस्था गम्भीर छ भने प्रतिदिन ६ हजारको दरले नयाँ संक्रमणकारी देखा पर्न थालेका छन्।
इटालीमा अहिलेसम्म सर्वाधिक ७ हजार ५ सय ३ जनाको निधन भइसकेको छ। इटालीपछि स्पेन दोस्रो नम्बरमा छ भने चीन तेस्रो नम्बरमा पुगेको छ। चीनमा ३ हजार २ सय ८७ जनाको निधन भएको छ।