मलाइका अरोडा आफूलाई फिट राख्न निकै कडा मेहनत गर्छिन्। उनले शारीरिक अभ्यास गरेको तस्वीर र भिडियो सामाजिक सञ्जालमा हाल्ने गरेकी छिन्। यस्ता तस्वीर र भिडियोलाई उनका फ्यानहरुले निकै मन पराउँछन्। त्यतिमात्रै होइन मलाइकाकाे शरिर हेरर उनको प्रसंसा गर्ने पनि धेरै छन्।
उनी अहिले मुम्बईको बान्द्रास्थित ‘टस्कनी अपार्टमेन्ट’मा छिन्। जुन अपार्टमेन्ट कोरोना भाइरसको संक्रमित भेटिएका कारण जून ८ मा सील गरिएको थियो।
उक्त अपार्टमेन्टबाट अहिले कसैलाई निस्न दिइएको छैन। सबै आ–आफ्नो प्ल्याटमा छन्। मलाइका पनि प्ल्याटमै थुनिएकी छिन्।
तर पछिलो दुई दिन उनको तस्वीर सामाजिक सञ्जाल इन्स्टाग्राममा भाइरल बनेको छ। उनी उक्त तस्वीरमा सर्वाआसन गरिरहेकी देखिन्छ।
बुधवार उनले राखेको तस्वीरमा लेखेको छ, ‘योग मेरो लागि त्यो एक घण्टा हो, जुन म कहिल्यै बिर्सन सक्दिनँ। त्यसैले हामी अन्तर्राष्ट्रिय योग दिवसको लागि पर्खिरहेका छौं। म तपाईलाई केही रमाइलो चीजहरू शेयर गर्न चाहन्छु। #१४ दिन आसान’
उनले अगाडि लेुखेकी छन्,‘हरेक दिन म एउटा आसनको तस्वीर शेयर गर्छु, जुन गर्न मलाई मनपर्दछ र जुन म नियमित अभ्यास गर्छु। तपाईले यो आसन गर्दै गर्दा मलाई तपाईंको तस्वीर पनि ट्याग गर्न सक्नुहुन्छ।’
