जुम्लाकाे खलंगामा अनिश्चित कालिन निषेधाज्ञा गरिएको छ। कर्णाली स्वास्थ्य विज्ञान प्रतिष्ठानका स्वास्थ्यकर्मीमा काेराेना देखिएपछि संक्रमण समुदायमा फैलिन नदिन यस्ताे निर्णय गरिएकाे हाे।
मंगलबार राति प्रतिष्ठानका चार स्वास्थ्यकर्मी सहित ८ जनामा कोराना संक्रमण देखिएको छ। स्वास्थ्यकर्मी बाहेकका चार जना जिल्ला बाहिरका भए पनि जुम्लामा अन्य पेशा व्यवसायमा संलग्न रहेकाे प्रतिष्ठानले जनाएको छ।
८ जना मध्ये दुई जना महिला रहेका छन्। थप जोखिम बढ्ने भन्दै अस्पतालले समेत अत्यावश्यक बाहेकका सबै सेवाहरु बन्द गरेको छ।
बुधबार कोभिड कमाण्ड नियन्त्रण समिति र जिल्ला सुरक्षा समितिको बैठकको निर्णय अनुसार असार १० गते ३ बजेदेखी निषेधाआज्ञा जारी गरिएको प्रजिअ भुपेन्द्र थापाले जानकारी दिए।
स्थानीय प्रशासनले जारी गरेको निषेधाज्ञामा सिल गरिएको क्षेत्र चन्दननाथ नगरपालिकाको पूर्वमा दान साँघु, पश्चिममा उमगाड, उत्तरमा कर्णाली प्राविधिक शिक्षालय र दक्षिणमा तिला नदि सहितका चार किल्ला उल्लेख छ।
.JPG)
.JPG)
