नेकपामा ‘युद्धविराम’ भंग : प्रधानमन्त्रीको राजीनामा मुख्य एजेन्डा, राजीनामा नगरे के हुन्छ ?

शुरोजङ्ग पाण्डे

निर्णायक संघर्षमा ओली, एकैदिन दुईपटक राष्ट्रपतिसँग भेट

  • बुधबार बिहान ७ बजे मन्त्रिपरिषद् बैठक बोलाइयो, जब कि सोमबार मात्रै मन्त्रिपरिषद् बसेको थियो
  • राष्ट्रपतिलाई भेट्न गएका ओली बैठक सुरु भएपछि मात्र आए र बैठककै बीचमा फेरि राष्ट्रपतिलाई भेट्न हिँडे
  • मंगलबारको बैठकमा बोल्ने १८ मध्ये १७ जनाले मागे राजीनामा, प्रतिरक्षामा ओली एक्लै बोले, मन्त्री बोलेनन्
  • मदनजयन्तीको दिन १४ असारमा निर्वाचन आयोगमा नेकपा एमाले दर्ता, ओलीको निर्देशनमा दर्ता भएको आरोप
  • सचिवालयका नौमध्ये पाँच सदस्यले ओलीको राजीनामा मागे, ईश्वर पोखरेल, विष्णु पौडेल र बादल मौन

प्रचण्डको आग्रह : सरकारले डेलिभरी दिन सकेन, अब तपाईं हट्नुस्

बैठक सुरु हुनअघि प्रधानमन्त्री ओली राष्ट्रपतिलाई भेट्न शीतलनिवास गएका थिए । ओली आउन ढिलाइ भएपछि अध्यक्ष प्रचण्डले बैठक सुरु गरेका थिए । प्रचण्डले बोल्दाबोल्दै ओली बैठकमा प्रवेश गरेका थिए । ओलीतर्फ लक्षित गर्दै प्रचण्डको भनाइ थियो, ‘मैले वैशाखमा बसेको सचिवालयको बैठकमा पनि तपाईंको राजीनामा मागेको हुँ, अहिले पनि माग्छु । सरकारले डेलिभरी दिन सकेन, कम्युनिस्ट आन्दोलन नै बदनाम भयो, देशभित्रका जनताले र पार्टीका नेताले राजीनामा मागेका छन् । तर, तपाईं भारतले हटाउन खोज्यो भनेर देश र जनताको अवहेलना गर्दै हुनुहुन्छ, सबै स्थिति हेर्दा तपाईं हट्दा राम्रो हुन्छ, हट्नुस् ।’

ओलीको जवाफ : मैले भारतको आलोचना गर्दा तपाईंलाई दुख्नुपर्ने कारण के छ? 

ओलीको जवाफ थियो, ‘तपार्इंहरूले मेराविरुद्ध मोर्चाबन्दी गर्नुभएको छ, खुमलटारमा बसेर रणनीति बनाएर यहाँ आउनुहुन्छ । भारतीय मिडियामा त्यही भाषामा समाचार आइरहेका छन् । दुवैतर्फको भाषा कसरी हुबहु मिल्छ ? प्रचण्डले ओलीको राजीनामा मागे भनेर त दिल्लीकै मिडियाले भनिरहेका छन् नि । मैले भारतको विषयमा बोल्दा तपाईंहरूलाई दुख्नपर्ने कारण के छ ? 

प्रकाशित मिति: : 2020-07-01 09:03:30

प्रतिकृया दिनुहोस्