विशेष सुरक्षा भत्ताको नाममा प्रदेश २ सरकारको आन्तरिक मामिला तथा कानून मन्त्रालयका मन्त्री तथा सचिवले मासिक रूपमा भत्ता बुझ्दै आएका छन् ।
बिल भरपाइ समेत पेश नगर्ने गरी मन्त्री ज्ञानेन्द्रकुमार यादवले मासिक १ लाख ५० हजार रूपैयाँको दरले वार्षिक १८ लाख रूपैयाँ विगत ३ वर्षदेखि बुझ्दै आएका छन् । सचिवले मासिक ५० हजार रूपैयाँको दरले वार्षिक ६ लाख रूपैयाँ बुझ्दै आएका छन् ।
बहालवाला सचिव कृष्णहरि पुष्करले साढे ११ महिनाको ५ लाख ५० हजार रूपैयाँ बुझेका छन् । सचिवहरू सरुवा भएर आउने–जाने भएकाले कार्यकाल अवधिभरको भत्ता बुझ्ने गरेका छन् ।
