साथीको फोन आयो- ‘ऊ मानी ।’
‘ए हो !’
यति गफगाफपछि उनलाई भेट्न आतुर भएँ ।
मलाई कुनै यौनकर्मीको विषयमा लेख्ने मन थियो । उनीहरुको दैनिकी, कथा या रिपोतार्ज, जे भनौं । लेख्न आतुर थिएँ । धेरै अघिदेखि साथीलाई समय मिलाउन भनेको थिएँ । आज साइत परेको थियो ।
साथीले जतिखेर आए पनि हुन्छ भन्ने जनाउ दिएको थियो ।
खाना खाइवरी तयार भएर हिँडे । बाटोभरि अनेकन प्रश्नहरु आइरहे मनमा, कुराहरु खेलिरहे । के सोध्ने होला, के भन्ने होला । उनको जवाफ के होला ? यावत् कुरा मनमा हुडलिरह्यो । बाटो छिचोलेको पत्तै भएन । एकैछिनमा पुगिएछ ।
मैले सोचेँ उनलाई कुनै सी ग्रेड हिन्दी सिनेमाको जस्तो भद्दा अवस्थामा भेट्नेछु । भद्दा तरिकाले लाली पाउडर घसेकी, ढोकामा उभिएर कुनै ग्राहकको पर्खाइमा बसेकी !
