पालमा अत्याधुनिक सुविधासम्पन्न भवनमार्फत चलचित्र प्रदर्शन शुरू गरेको पहिलो कम्पनी हो – क्यूएफएक्स । स्थापनाको एक दशमा क्युएफएक्सका शाखा काठमाडौंदेखि मोफसलसम्म पुगेको छ । करोडौं लगानी भएको छ ।
सामान्य हलमा चलचित्र हेर्ने बानी पारेका दर्शकलाई सुविधासम्पन्न अन्तराष्ट्रिय किसिमको हल शुरू गरेर एक दशकमै अधिकांश चलचित्रप्रेमीको मन जितेको क्युएफएक्स यतिबेला पूर्ण रुपमा बन्द छ ।
क्युएफएक्ससँग जोडिएका सयौं कर्मचारीको पनि रोजीरोटी गुमेको छ । 'रोजीरोटी गुमेको मेरो पनि हो,' क्युएफएक्सका निर्देशक नकिम उद्धिनले भने, ‘कोभिड–१९ का कारण न म न कर्मचारी सबैलाई गाह्रो परेको छ ।’
कोरोनाका कारण ८ महिनादेखि हल ठप्प भएका छन् । हल कहिले खुल्छ ? भन्ने प्रश्नमा उनले भने, 'त्यो सम्भावना छैन । अब हल नखुल्दासम्मको एउटा विकल्प मःम व्यापार हो मेरो लागि । सोहि कारण मःम व्यापार शुरू गरेको हुँ ।’
