अस्ट्रेलियाली क्रिकेट बोर्डले कोरोना संक्रमणको जोखिमका बीच आफ्नो खेलाडीलाई एयरलिफ्टबाट उद्दार गर्दै सुरक्षित स्थानमा लगेको छ।
क्रिकेट अस्ट्रेलियाले भारतविरूद्ध आगामी घरेलु शृंखला प्रभावित नहोस् भन्ने उद्देश्यले खेलाडीलाई पश्चिम अस्ट्रेलिया, तस्मानिया र क्वीन्सल्याण्डबाट निकालेर न्यु साउथ वेल्स (सिड्नी) मा स्थानान्तरण गरेको छ।
टिमका सदस्य कप्तान टिम पेन, विकेटकिपर म्याथ्यु वेड, मार्नस लाबुसेन, जो बन्र्स, माइकल नेसेर, मिसेल स्वेप्सन, क्यामरन ग्रीन, ट्रेविस हेड र केन रिचर्डसन जस्ता खेलाडीलाई एयरलिफ्ट गरिएको छ। सबैलाई न्यु साउथ वेल्समा लगिएको छ।
दक्षिण अस्ट्रेलियामा बढ्दो कोरोनाको समस्याका कारण पश्चिम अस्ट्रेलिया, तस्मानिया र क्वीन्सल्याण्डमा सोमबारदेखि सीमा बन्द गरिएको छ।
