रुपन्देहीमा स्रोत नखुलेको २४ लाख नेपाली रुपैयाँसहित एकजना पक्राउ परेका छन्।
रुपन्देहीको सम्मरीमाई गाउँपालिका ६ बस्ने ३२ वर्षीय प्रमोद कुमार गुप्तालाई प्रहरीले शुक्रबार मोटरसाइकलसहित पक्राउ गरेको हो।
सुनौलीबाट भैरहवातर्फ आउँदै गरेको लु. ४३ प. १२३१ नम्वरको मोटरसाइकलमा सवार गुप्तालाई रुपन्देही सिद्धार्थनगर नगरपालिका ३ भैरहवा बसपार्क नजिकै नियमित चेकजाँचको क्रममा नियन्त्रणमा लिइएकाे प्रहरीले जनाएकाे छ।
गुप्ताको साथबाट पाँच सयको २६०२ वटा (१३ लाख १ हजार), हजारको १०९९ वटा (१० लाख ९९ हजार) बरामद भएको हो।
