मेक्सिकोका राष्ट्रपतिलाई कोरोना भाइरसको संक्रमण भएको छ।
एन्ड्रेस मनुओल लोपेज ओब्रेडोर आफैंले स्थानीय समयअनुसार आइतबार साँझ ट्विट गरी आफूलाई कोरोना संक्रमण पुष्टि भएको जानकारी दिएका हुन्।
हल्का लक्षण मात्र देखिएको र उपचार जारी रहेको उनले उल्लेख गरेका छन्।
जोन हप्किन्स् युनिभर्सिटीका अनुसार मेक्सिकोमा अहिलेसम्म १७ लाखभन्दा बढी व्यक्तिलाई कोरोना संक्रमण भइसकेको छ। तीमध्ये १ लाख ४९ हजार संक्रमितको मृत्यु भइसकेको छ।
