एक समयकी चर्चित अभिनेत्री निरुता सिंहको लोकप्रियता नेपाली फिल्म उद्योगमा अहिले पनि लोभलाग्दो छ ।
विवादमा कम आउने, गसिपबाट सधैं टाढा रहने, पाको पुस्ताकी सुन्दर र भलादमी अभिनेत्री निरुताले त्यसबेला चलचित्रमा काम गर्दा प्रदर्शन हुने सबैभन्दा धेरै चलचित्रकी अभिनेत्रीमा उनकै नाम आउँथ्यो ।
‘नम्बर वान’ अभिनेत्रीको ‘ट्याग’ पाएकी उनै अभिनेत्री एकाएक चलचित्र क्षेत्रबाट टाढा भइन् । बीचको १० वर्ष आफूलाई चलचित्र उद्योगबाट टाढै राखिन् ।
भारतको मुम्बईमा बस्छिन् निरुता सिंह । त्यहाँ इन्टेरियर डिजाइनको काम पनि गर्दै आएकी छन् । बेला मौकामा नेपाल आउँछिन् । नेपाल आएसँगै कहिले अन्तर्वार्ता दिएर त कहिले शुभचिन्तकसँग सेल्फी खिचेर उनको समय बित्छ ।
