इन्जिनियरिङको विधामा ‘रेट्रोफिटिङ’ एउटा यस्तो विधि हो, जसबाट पुराना एवं कमजोर संरचनाहरूलाई नयाँ प्रविधिजनित सरसामग्रीबाट भरथेग गरी पुनर्निर्माण गरिन्छ । २०७२ सालको विनाशकारी भूकम्प पश्चात् कमजोर बनेका धेरै भौतिक संरचनालाई यही विधिद्वारा पुनर्निर्माण गरियो । मुलुकमा भौतिक संरचनाहरूको ‘रेट्रोफिटिङ’ त भइनै रहेको छ, तर मक्किएर पुरानो भइसकेको राजनीतिक संरचना, संस्कार, शैली र सिद्धान्तको पुनर्निर्माण चैं अहिलेसम्म हुन सकेन । अर्थात् यो देशमा राजनीतिको ‘रेट्रोफिटिङ’ चैं हुनसकेको छैन ।