महिलावादी बेल हुक्सका अनुसार 'महिलावाद एउटा छुट्टै राजनीतिक मुद्दा सहितको राजनीतिक परिप्रेक्ष हो।' त्यसैले महिलावादी आन्दोलन राजनीतिक आन्दोलन हो।
एउटा पार्टीका उच्च पदका नेताले समानुपातिक समावेशीताको कुरा गर्दा जित्ने र टिक्ने मात्र चुनावमा आउने अभिव्यक्ति दिन्छन्। त्यो पनि बडो शानका साथ। उनको आसय 'पार्टीभित्र ट्याउँ-ट्याउँ गर्नेहरू न जित्न सक्छन् न त टिक्न नै'।
त्यसैले तर्क यो हुन सक्छ, यसपालिको स्थानीय तहको निर्वाचनमा जित्न र टिक्न सक्ने र ट्याउँ-ट्याउँ नगर्नेहरूलाई छान्दा संख्या घट्यो।
